Motta nyhetsbrev
Kårstø skvises av amerikansk skifergass
13.12.2012
Dei petrokjemiske fabrikkane i Grenland i Telemark, som er kontrollert av det britiske konsernet Ineos, har underteikna ein 15 års kontrakt om kjøp av etan, utvunnen frå skifergass i Marcellus-feltet i Pennsylvania i USA.
- Denne gassen blir billegare enn gassen som me i dag kjøper frå Statoil og Kårstø, seier Ineos-direktør Magnar Bakke til Petromagasinet.
Råstoff til plastindustrien
Heilt sidan gass frå ulike felt på Haltenbanken i Norskehavet tok til å strøyma gjennom Åsgard-røyret til Kårstø i 2000, har etan vore skilt ut som eit særskilt produkt ved gassprosesseringsanlegget på Kårstø.
I fjor blei det skipa ut 861 000 tonn etan frå Kårstø. Det aller meste går til petrokjemianlegga i Bamble og noko til Stenungsund i Sverige. Etan er eit veleigna råstoff til produksjon av etylen, som igjen er råstoff til plastindustrien.
Clipper Harald i fast rute
Minst to gasstankarar hentar etan på Kårstø. Det er nederlandske "Coral Parensis" og "Clipper Harald" som tilhøyrer gasstankreiarlaget Solvang i Stavanger. "Clipper Harald" har dei siste tolv åra hatt kontrakt på frakt av etan frå Kårstø og går nærmast i fast rute mellom Kårstø og Grenland med etan.
- Me har kontrakt med Statoil om slik frakt i eit par år til og med høve til å forlengja kontrakttida, seier adm. dir i Solvang-reiarlaget, Edvin Endresen.
Han legg til at det kan vera vanskeleg og spå om framtida.
- Skifergassrevolusjonen ein nå ser utvikla seg i USA, kan samtidig opna opp for nye marknadar og nye fraktmulegheiter for våre skip rundt i verda, seier Endresen.
Langt billegare produksjon
Meklarfirmaet Inge Steensland føl nøye med på utviklinga i gassmarknaden. Skipsmeklar Jørgen Tvedt seier at det er svært stor skilnad på kostnadene med utvinning av etan frå skifergass samanlikna med produksjon av etan frå eit gassprosesseringsanlegg som på Kårstø.
- Men så vidt me kan sjå vil importen av amerikansk produsert etan til petrokjemindustrien til Ineos i Grenland i første omgang koma i tillegg til dagens volum, som blir henta på Kårstø, seier Tvedt.
Les mer her:
http://www.aftenbladet.no/nyheter/okonomi/Karsto-kan-bli-slatt-av-skifergass-3087365.html
Del saken og skap bevegelse
Møteplasser
