Nyheter | Stor Kværner-kontrakt

Stor Kværner-kontrakt

19.04.2012

Kværner er tildelt ein stor landanleggskontrakt for Shell.Prosjektet vil bli lokalisert fleire stader, men engineering og prosjektleiing vil bli utført av Kværner på Stord.

Kontrakten består av engineering, innkjøpt, fabrikasjon og leiing for modifikasjonar og prosjekt ved Ormen Lange-anlegget på Nyhamna på Aukra utanfor Molde, skriv lokalavisa Sunnhordland.

Kontrakten er ein rammeavtale som varar i seks år, med opsjonar på ytterlegare to år. Estimert kontraktsverdi er seks milliardar kroner, inkludert opsjonane.

– Dette er ein kjempekontrakt og den største av sitt slag som vert delt ut i Noreg i år. Me er stolte over å ha vunne denne viktige kontrakten, som me trur demonstrerer ei tru på vår gjennomføringsmodell og evne til å levera komplette løysingar til kundane, seier konserndirektør Jan Arve Haugan i Kværner.

Når prosjektet er fullt mobilisert er det forventa at 500 personar jobbar i rotasjon på siten i Nyhamna. I tillegg vil meir enn 200 personar innan engineering og leiing jobba på kontrakten gjennom perioden.

Les meir her: http://www.sunnhordland.no/article/20120419/NYHENDE/704199986